““Nabucco”nun İran qazına ehtiyacı yoxdur”
13 iyul 2009 15:30 (UTC +04:00)

““Nabucco”nun İran qazına ehtiyacı yoxdur”

Metyu Brayza: “Bu layihəni Azərbaycan, Türkmənistan və İraqın təbii qazla təmin etməsi planlaşdırılır”
“Nabucco”nu Azərbaycan, Türkmənistan və İraqın təbii qazla təmin etməsi planlaşdırılır. Bu layihənin İran qazına ehtiyacı yoxdur. İran öncəki qış Türkiyəyə vəd etdiyi qazı belə verməkdə çətinlik çəkib”.

Lent.az.-ın Türkiyənin CİHAN xəbər agentliyinə istinadən yaydığı xəbərə görə, ABŞ dövlət katibinin müavininin köməkçisi Metyu Brayza bunu “Nabucco” layihəsi ilə bağlı Ankarada hökumətlərarası sazişin imzalanmasından sonra jurnalistlərin suallarını cavablandırarkən bildirib. Bununla belə, dövlət katibinin müavininin köməkçisi qeyd edib ki, İran məsələsi gələcəyin mövzusudur, ABŞ prezidenti Barak Obama İranla yeni bir dönəm başlatmaq istəyir.

Metyu Brayza onu da vurğulayıb ki, hökumətlərarası saziş “Nabucco” üçün hüquqi zəmin yaradıb və ABŞ bu prosesə dəstək verir. Dövlət katibinin müavininin köməkçisi deyib ki, İraqda siyasi və iqtisadi qarışıqlığın davam etməsinə baxmayaraq, bu ölkənin baş naziri Nuri əl Malikinin Ankaraya gələrək layihəyə dəstək verməsi çox önəmlidir.

Ramiz
# 476

Oxşar yazılar