Azərbaycan-Türkiyə sərhədində gömrük yoxlamaları sürətləndiriləcək
02 dekabr 2010 16:14 (UTC +04:00)

Azərbaycan-Türkiyə sərhədində gömrük yoxlamaları sürətləndiriləcək

Bu barədə APA-ya Türkiyə Gömrük Katibliyindən məlumat verilib.

Yüklərin daşınmasını sürətləndirmək, vaxtı qısaltmaq və gömrük-keçid məntəqəsində yubanmaların qarşısını almaq məqsədi ilə gömrük keçid məntəqəsində «bir yoxlama» prinsipi tətbiq olunacaq. Belə ki, bu çərçivədə Naxçıvan Muxtar Respublikası ərazisindən Türkiyəyə gedənlər Türkiyə ərazisində, Türkiyədən gələnlər isə Azərbaycan ərazisində gömrük yoxlamalarından keçəcəklər.

Qeyd edək ki, hazırda Naxçıvandan Türkiyəyə gedənlər və gələnlər hər iki tərəfdə yoxlanılır ki, bu da keçid məntəqəsində ləngimələrə səbəb olur.

Artıq bir tərəfdə yoxlamaları təşkil etmək üçün tərəflər zəruri infrastruktur yaradırlar. Bir məntəqədə yoxlamalara gələn ilin əvvəlindən start verilməsi planlaşdırılır.

Qeyd edək ki, Türkiyə anoloji iş prinsipini Gürcüstanla sərhəddəki Sarp keçid məntəqəsində də tətbiq etmək niyyətindədir.
1 2 3 4 5 İDMAN XƏBƏRLƏRİ
# 612

Oxşar yazılar