“APA-Ekonomist”in növbəti sayı çapdan çıxıb

APA-nın məlumatına görə, 2010-cu ilin fevral ayından nəşr olunan jurnalın artıq 9 buraxılışı işıq üzü görüb.

“APA-Ekonomist” jurnalında oxucular Azərbaycanın sosial-iqtisadi həyatının müxtəlif sahələri üzrə icmal və analitik xarakterli məqalə və araşdırma yazıları ilə tanış ola bilərlər. Jurnalın bu sayında dərc olunmuş analitik məqalələrin sırasında ölkənin yaxın 4 il üçün iqtisadi-sosial inkişafı üzrə hökumətin proqnozları, səhm bazarında problemlər, sahibkarlıq sahəsində yoxlamalara dair materialları qeyd etmək olar. Həmçinin bu sayda Mərkəzi Bankın sədr müavini Xəqani Abdullayevlə müsahibə və sığorta şirkətlərin renkinqi də dərc olunub.

Qeyd edək ki, əgər əvvəllər “APA-Ekonomist” jurnalını yalnız redaksiya vasitəsilə abunə yolu ilə almaq mümkün idisə, iyunun əvvəlindən etibarən bu dərgini “Qasid”, “Qaya” və “Azərmətbuatyayım” şirkətlərinin Bakı və Sumqayıt şəhərləri ərazisində fəaliyyət göstərən köşklərindən almaq, həmçinin abunə olmaq mümkündür. Bununla yanaşı, “Ekonomist” və “Metro-Servis” şirkətləri arasında imzalanmış əməkdaşlıq müqaviləsinə əsasən, jurnalın buraxılışlarını Bakı Metropoliteninin stansiyalarında da almaq olar.

Jurnal ayda bir dəfə, rus dilində, 3 min tirajla, A4 formatında nəşr olunur.