Dəmiryolçular Vilnüsdə toplaşır
19 oktyabr 2010 14:16 (UTC +04:00)

Dəmiryolçular Vilnüsdə toplaşır

Sabah Vilnüsdə MDB və Baltikyanı ölkələrin Dəmir Yolu Nəqliyyatı Şurasının 53-cü iclası keçiriləcək.

“Azərbaycan Dəmir Yolları” Qapalı Səhmdar Cəmiyyətinin (QSC) mətbuat katibliyinin rəisi Nadir Əzməmmədov Lent.az-a bildirib ki, iclasın gündəliyinə 12 məsələ daxil edilib. Bu sıraya 2011-2012-ci il üçün qatarların hərəkət cədvəlinin normativləri, 2020-ci ilədək MDB üzvü olan dövlətlərin dəmir yolu nəqliyyatının inkişaf strategiyasının layihəsi, təhlükəli yük daşıyan yük vaqonlarının normativlərə uyğunlaşdırılması, MDB dövlətləri ərazisində təlimatçı-maşinistə lokomotiv briqadalarının işinin təşkilinə səlahiyyət verilməsi məsələləri də daxildir.

Şuranın 53-cü toplantısı iki gün davam edəcək. Tədbirə “Azərbaycan Dəmir Yolları” Qapalı Səhmdar Cəmiyyətinin sədri Arif Əsgərovun rəhbərlik etdiyi nümayəndə heyəti də qatılacaq.

Elxan SALAHOV
# 418

Oxşar yazılar