DəmirBank-dan təhsil-səhiyyə işçiləri və təhsil alanlar üçün yeni kreditlər

“Dövlət Təhsil və Səhiyyə sahəsində çalışanlar üçün Kredit”in şərtlərinə əsasən müştərilər 5000 manata qədər 24 ay müddətinədək kredit əldə edə bilərlər.

Təhsil haqqının ödənişi məqsədi ilə “Təhsil” kreditinin şərtlərinə əsasən müştərilər 1 illik təhsil haqqının dəyərinin 20%-ni ilkin ödəniş etməklə 12 ay müddətinə təhsil krediti ala bilər. Kreditin məbləği 500 – 30 000 manat ola bilər.

Təhsil haqqının ödənişi məqsədi ilə “Təhsil” kreditini və Dövlət Təhsil və Səhiyyə sahəsində çalışanlar üçün Kredit”i almaq üçün DəmirBank-ın filiallarına müraciət etmək olar.

“DəmirBank sosial-yönümlü strategiyasına əsasən sosial sahənin ehtiyaclarını hər zaman diqqətə alır. Təhsil və səhiyyə işçiləri üçün kredit bu sahədə çalışanların sosial rifahının artırılması, digər “Təhsil” krediti isə ölkədə və xaricdə təhsil almaq istəyən gənclər üçün yeni imkanlar yaradır. Fürsətdən istifadə edərək təhsil sahəsində çalışanları Beynəlxalq Müəllimlər Günü münasibəti ilə təbrik edirik və onlara yeni uğurlar arzulayırıq. Təhsil və səhiyyə ilə bağlı, DəmirBank digər proqramlar da həyata keçirir. Bu sırada “Xaricdə təhsil alanlara pulsuz plastik kart”, tibb avadanlığı üzrə lizinq xidmətləri, xarici ölkə ilə tələbə mübadilə proqramında iştirak və sair” – deyə İdarə Heyəti Sədrinin müavini Yusif Cabbarov bildirib.

DəmirBank müştərilərə müxtəlif istehlak, ipoteka və biznes kreditləri, eləcə də lizinq xidmətləri təklif edir. Bankın kredit məhsulları və lizinq xidmətləri barədə daha ətraflı məlumat üçün www.demirbank.az saytına daxil olmaq və ya Telefon Məlumat Mərkəzi – 149 nömrəsinə zəng etmək olar.

Ölkənin ilk banklarından olan DəmirBank (əvvəlki adı Azərdəmiryolbank) 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir.