Sumqayıtda yeni avtobus dayanacaqları quraşdırılır
22 yanvar 2010 11:15 (UTC +04:00)

Sumqayıtda yeni avtobus dayanacaqları quraşdırılır

Yeni dayanacaqlar şəhərin müxtəlif ərazilərində, xüsusən də əhalinin sıx məskunlaşdığı yerlərdə qurulur

Sumqayıt şəhərində sərnişinlərin rahatlığının tam təmin edilməsi məqsədilə yeni avtobus dayanacaqları quraşdırılır. Artıq şəhər ərazisində 43 yerdə yeni avtobus dayanacaqları quraşdırılıb, ümumilikdə 52 yerdə beton tökülüb.

Sumqayıt Şəhər İcra Hakimiyyətindən Lent.az-a bildiriblər ki, yeni avtobus dayanacaqları şəhərin müxtəlif ərazilərində, xüsusən də əhalinin sıx məskunlaşdığı yerlərdə quraşdırılır. Belə ki, şəhərin Sülh küçəsində 11, Koroğlu prospektində 15, H.Əliyev prospektində 14, Ü.Hacıbəyov küçəsində 1, Z.Hacıyev küçəsində 3, S.Vurğun küçəsində 1, Bakı küçəsində 6, 20 Yanvar küçəsində isə 1 ədəd dayanacaq quraşdırılıb. Hazırda quraşdırılmış yeni dayanacaqların ətraf ərazilərinə abadlıq işləri görülür, dayanacaqların ətrafına tamet döşənir.

İcra Hakimiyyətində bildirirlər ki, ümumilikdə şəhər ərazisində 65 ədəd yeni avtobus dayanacaqlarının quraşdırılması nəzərdə tutulub.

Elxan SALAHOV
# 333

Oxşar yazılar