Başqa klublarda icarə əsasında çıxış edən futbolçulardan daha biri “Neftçi”yə qayıdıb. Lent.az-ın apasport.az-a istinadən verdiyi məlumata görə, bu barədə komandanın baş məşqçisi Böyükağa Hacıyev bildirib. O deyib ki, ötən mövsümü Birləşmiş Ərəb Əmirliklərinin “Əl-Şaab” klubunda keçirən Julius Vobay növbəti mövsüm “ağ-qaralar”ın heyətində olacaq.
Syerra-leoneli sağ cinah futbolçusu ötən mövsüm Çempionlar Liqasının təsnifat mərhələsində “Skenderbeu” ilə oyunlardakı uğursuzluqdan sonra ərəb klubuna icarəyə verilmişdi. O, “Əl-Şaab”da 12 oyuna 1 qol vurub.
Qeyd edək ki, “Neftçi” daha 2 icarədə olan futbolçusunu geri qaytarıb. Bunlar ötən mövsüm “Simurq”da çıxış edən Nicat Qurbanov və “Araz Naxçıvan”ın qapısını qorumuş Emil Balayevdir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
