Avstraliyada təşkil olunmuş 2.1 kateqoriyalı “Herald Sun Tour” yarışında 116 km-dən ibarət 1-ci mərhələ başa çatıb. Lent.az-ın məlumatına görə, kifayət qədər gərgin idman mübarizəsi şəraitində keçən mərhələdə qalib foto-finişlə müəyyənləşib.
Pelotonda olan velosipedçilərdən 38 nəfərin vaxt göstəricisi eyni olub - 3 saat, 4 dəqiqə, 12 saniyə. Onların arasında “Synergy Baku”nun üzvü, avstraliyalı Patrik Leyn də var. Foto-finişə əsasən, ABŞ-ın “Garmin-Sharp” komandasının avstraliyalı üzvü Natan Haas 1-ci, Patrik Leyn isə 27-ci olub.
Komandamızın digər nümayəndəsi, Azərbaycanın U-23 yığmasının üzvü Tural İsgəndərov isə liderlərdən 2 dəqiqə, 26 saniyə geri qalmaqla 44-cü nəticə göstərib.
Sabah keçiriləcək 2-ci mərhələdə iştirakçılar 163 km məsafə qət edəcəklər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
