İngiltərə milli komandasının futbolçusu Ueyn Runi “Mançester Yunayted”in heyətində 200-cü qolunu vurub. Lent.az-ın məlumatına görə, 27 yaşlı hücumçu Almaniya “Bayer”i ilə görüşdə “dubl” edib.
22-ci dəqiqədə hesabı açan Runi 200-cü qoluna 70-ci dəqiqədə imza atıb. Bununla da məşhur forvard “qırmızı şeytanlar”ın heyətində bu qədər qol həddinə çatmağı bacaran 4-cü futbolçu olub. O, Bobbi Çarlton (249), Denis Loui (237) və Cek Roulidən (211) geri qalır. İlk 3 yeri tutanlar artıq karyeralarını başa vurduqlarından, Runinin 1-ci pilləyə yüksəlmə şansları yetərincə realdır.
Qeyd edək ki, Ueyn Runi 2004-cü ildən çıxış etdiyi “Mançester Yunayted”də 406 oyuna çıxıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
