Avropa Futbol Assosiasiyaları Birliyi (UEFA) çempionlar liqasının final oyununda Madrid klubları “Real” və “Atletiko”nun intizam məsələsini araşdırmağa başlayıb.
Lent.az-ın “İTAR-TASS”-a istinadən məlumatına görə, “Real”-a qarşı araşdırma aşağıdakı maddələr üzrə aparılır: komandanın intizamsız davranışı (5 sarı kart), tərəfdarların pirotexnikadan istifadəsi, oyundan çıxarılmasına baxmayaraq, oyun zamanı Habi Alonsonun texniki zonanı tərk etməsi.
“Atletiko” isə bu məsələlərdə suçlu bilinir: komandanın intizamsız davranışı (5 sarı kart), tərəfdarların pirotexnikadan istifadə etməsi, baş məşqçi Dieqo Simeonenin davranışı.
UEFA-nın nəzarət –intizam qurumu bu işlərə iyulun 17-də baxacaq.
Xatırladaq ki, final oyunun mayın 24-də Portuqaliyanın paytaxtı Lissabonun “Da Luj” stadionunda keçirilib. “Real” “Atletiko”-nu 4:1 hesabı ilə məğlub edərək, 10-cu dəfə çempionlar liqasının qalibi olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
