Röya oxudu, “Neftçi” çempionluq kubokuna qovuşdu

Futbol üzrə Topaz Premyer Liqasında 2012-2013-cü il mövsümü qaliblərinin mükafatlandırma mərasimi keçirilib. Lent.az-ın məlumatına görə, tədbir çempionatın XXXII turunun “Neftçi” – “Bakı” matçından sonra baş tutub.

Görüş “Bakı”nın 1:0 hesablı qələbəsi ilə yekunlaşsa da, hələ XXX turda çempionluğunu rəsmiləşdirən “Neftçi”nin mövqeyində heç bir dəyişiklik baş verməyib. Gərgin keçən görüşdə yeganə qolu 75-ci dəqiqədə cərimə zərbəsindən Lukaş Mario Horvat vurub. Həmin vaxt “ağ-qaralar” 60-cı dəqiqədə Denis Silvaya göstərilən qırmızı vərəqə üzündən azlıqda olub. Qoldan bir neçə dəqiqə öncə isə baş hakim Rauf Cabbarov “Neftçi”nin futbolçusu Emin Mehtiyevin öz cərimə meydançalarında açıq-aşkar əllə oynamasına göz yumub və “Bakı”nın lehinə penaltini təyin etməyib.

Bu qələbə sayəsində xallarını 41-ə çatdıran “Bakı” çempionatı 5-ci pillədə başa vurub. “Neftçi” isə 62 xalla ardıcıl 3-cü mövsüm çempionluğunu bayram edib. Flaqmanla qızıl medal sevincini bölüşmək üçün “Bakcell Arena”ya gələn 7000-dək azarkeş estrada ulduzu Röyanın ifasında mahnılar da dinləyib.

Daha sonra AFFA-nın prezidenti Rövnəq Abdullayev, baş katib Elxan Məmmədov və Peşəkar Futbol Liqasının prezidenti Ramin Musayev səhnəyə çıxıb. Onlar əvvəlcə “İnter”ə bürünc, “Qarabağ”a gümüş və “Neftçi”yə qızıl medalları təqdim ediblər. Sonra isə flaqmana çempionluq kuboku verilib. Mərasim atəşfəşanlıqla başa çatıb.

Tura isə mayın 20-də ikinci “6-lığ”ın 3 oyunu ilə yekun vurulacaq:

19 may (bazar)

“İnter” (Bakı) – “Qəbələ” – 1:0
Qol: Ramil Mansurov, 87

“Qarabağ” (Ağdam) – “Simurq” (Zaqatala) – 0:0

“Neftçi” (Bakı) – “Bakı” – 0:1
Qırmızı vərəqə: Denis Silva Kruz, 60 (rəqibə əl ilə zərbə)
Qol: Lukas Mario Horvat, 75

20 may (bazar ertəsi)

18:00. AZAL (Bakı) – “Kəpəz” (Gəncə)
Bakı, “AZAL Arena”

18:00. “Turan” (Tovuz) – “Sumqayıt”
Bakı, “Dalğa Arena”

19:00. “Xəzər Lənkəran” – “Rəvan” (Bakı)
Lənkəran şəhər mərkəzi stadionu.

	komanda	o	q	h	m	t	x
1	Neftçi	32	19	5	8	59-32	62
2	Qarabağ	32	16	11	5	43-26	59
3	İnter	32	16	9	7	38-22	57
4	Simurq	32	12	12	8	32-26	48
5	Bakı	32	9	14	9	33-27	41
6	Qəbələ	32	10	8	14	32-40	38

7	AZAL	31	15	9	7	53-32	54
8	Xəzər L	31	10	10	11	39-35	40
9	Rəvan	31	11	4	16	44-53	37
10	Sumqayıt	31	9	8	14	30-47	35
11	Turan	31	7	6	18	32-58	27
12	Kəpəz	31	5	4	22	23-60	19