Millimiz 120-ci pillədə qaldı
09 may 2013 14:13 (UTC +04:00)

Millimiz 120-ci pillədə qaldı

FİFA bu gün rəsmi saytı vasitəsilə milli komandaların reytinq cədvəlini açıqlayıb. Apasport.az saytının dünən xəbər verdiyi kimi, aprel ayında oyun keçirməyən yığmamız 276 xalla 120-ci pillədə qalıb.

Bu gün FİFA çərçivəsində cəmi 7 oyun keçirildiyindən digər komandaların da əksəriyyəti yerində sayıb. Belə ki, DÇ-2014-ün seçmə mərhələsindəki rəqiblərimizdən Portuqaliya (1163) 5-ci, Rusiya (1052) 11-ci, Şimali İrlandiya (285) 119-cu pillədə qalıb. Yalnız İsrail (536) və Lüksemburq (182) hərəyə 1 pillə geriləyib. Onlar müvafiq olaraq 59-cu və 148-ci pillələrdədir.

Elə “Top-10”da dəyişiklik yoxdur. Yenə İspaniya (1538), Almaniya (1428) və Argentina (1296) ardıcıllıqla ilk 3 pillədə gedir. Budəfəki cədvəldə ən böyük irəliləyiş Qrenadaya məxsusdur – 20 pillə. Ən böyük düşüş isə Sent-Vinsent və Qrenadinaya aiddir – 10 pillə.

# 507
avatar

Oxşar yazılar