Uzun müddətdir “Barselona”da qalıb-qalmayacağı müzakirə mövzusuna çevrilən Lionel Messi müəmması çözülür. Apasport.az saytının İspaniya mətbuatına istinadən verdiyi məlumata görə, argentinalı hücumçu yeni müqavilə imzalamağa hazırlaşır.
Hazırda bonuslarla birlikdə ildə 16 milyon avro alan Messiyə 18 milyon avro təklif edilir. Bu halda argentinalı hücumçu dünyada ən çox pul alan futbolçuya çevriləcək. Artıq iki tərəf arasında razılaşma əldə olunduğu, son qərar üçün Messinin atasının Argentinadan qayıtmasının gözlənildiyi vurğulanır.
“Marca” qəzetinin iddiasına görə, indiyə qədər klubdan ildə 20 milyon avro tələb edən Messi 18 milyona razılaşıb. Amma o da “Barsa”nın bonus məsələsində güzəşt etməsini gözləyir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
