Macarıstanın paytaxtı Budapeştdə keçirilən sərbəst, yunan-Roma və qadın güləşi üzrə dünya çempionatının ilk günündə Azərbaycan milli komandası medal hesabını açıb. Lent.az-ın məlumatına görə, 96 kq çəki dərəcəsində yer alan sərbəst güləşçimiz Xetaq Qazyumov gümüş medala sahib olub.
Qazyumov ardıcıl olaraq Argentina, Polşa, Qırğızıstan və Rusiya güləşçilərini mübarizədən kənarlaşdıraraq, finala çıxıb. Lakin o, həlledici görüşdə iranlı Reza Yezdaniyə yenilib – 2:4.
Qeyd edək ki, dünya çempionatının ilk günündə digər güləşçilərimiz Yaşar Əliyev (55 kq) və Ağahüseyn Mustafayev ilk görüşdəcə uduzaraq, mübarizəni dayandırıblar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
