İyulun 4-də futbol üzrə dünya birinciliyinin ¼ finalında Braziliya ilə Kolumbiya komandaları qarşılaşıb.
Lent.az-ın xarici informasiya vasitələrinə istinadən məlumatına görə, oyun zamanı komandalar 54 dəfə qaydaları pozub.
Ən kobud oyunçu braziliyalı Marselo olub. O, 5 dəfə cərimə “qazanıb”. Kolumbiyalılardan isə üç cərimə ilə Xuan Kuadrado və Kristian Sapta “fərqlənib”.
Qarşılaşma zamanı ən ağır zədəni Braziliya millisinin hücumçusu Neymar alıb. Oyunun 88-ci dəqiqəsində kolumbiyalı müdafiəçi Xuan Suniqa hücumçunu dizinə və belinə zərbə endirib.
Neymar meydançanı xərəkdə tərk edib. Həkimlər bildirib ki, o, 4-8 həftə futbol oynaya bilməyəcək.
İyulun 9-da Almaniya ilə yarımfinal qarşılaşmasında Braziliyanın kapitanı Tyaqo Silavda Sarı vərəqəsinə görə görüşü buraxacaq.
Xatırladaq ki, oyun 2: 1 hesabı ilə Braziliyanın xeyrinə başa çatıb.