Bu gün Bakıda Gənclərin Avropa Olimpiya Sınaq Yarışlarının açılış mərasimi keçiriləcək. Lent.az-ın xəbərinə görə, açılış mərasimi saat 17.00-da Tofiq Bəhramov adına Respublika stadionunda baş tutacaq.
Üç gün davam edəcək yarışda Avropadan 700-dən çox idmançı yarışacaq. O cümlədən, bu ilin avqust ayında Çinin Nankin şəhərində keçiriləcək Gənclərin Olimpiya Oyunlarında iştirakını təmin etməyə çalışan 16 və 17 yaşlı idmançılar da 36 idman növü üzrə çıxış edəcək.
Gənclərin Avropa Olimpiya Sınaq Yarışlarında günorta sessiyaları mayın 30-u saat 15.00-da, mayın 31-i saat 15.30-da, iyunun 1-i saat 14.00-da başlanacaq.
Bakı Gənclərin Avropa Olimpiya Sınaq Yarışları Bakı 2015 Avropa Oyunları çərçivəsində özünün ilk sınaq yarışlarına ev sahibliyi edəcək.
İştirakçılar yeni inşa olunmuş və gələn ilin yayında ilk Avropa Oyunlarında idmançıların ixtiyarına veriləcək Atletlər Kəndində qalacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
