Azərbaycanlı FİFA hakim-inspektoru Asim Xudiyev Ermənistanın "Alaşkert" klubunun Avropa Liqasının II təsnifat mərhələsində Qazaxıstan "Kayrat"ı ilə keçirəcəyi ilk oyuna təyinat alıb.
Lent.az-ın report-a istinadən məlumatına görə, iyulun 16-da Almatıda baş tutacaq qarşılaşmada A.Xudiyev rusiyalı hakimlər briqadasının işini qiymətləndirəcək.
Matçın baş hakimi Sergey İvanov, yan xətt hakimləri Vyaçeslav Semyonov və Valeri Dançenko, dördüncü hakim Kirill Levnikov olacaq. UEFA nümayəndəsi isə belaruslu Sergey İlyiçdir. "Kayrat" - "Alaşkert" matçı Bakı vaxtı ilə saat 19:45-də başlanacaq.
Qeyd edək ki, "Alaşkert" hazırda Ermənistanın işğalı altında olan Azərbaycanın Xocavənd rayonunda 1990-cı ildə yaradılıb. Klub 1992-ci ildən Ermənistan çempionatında çıxış edir. "Alaşkert" ev oyunlarını İrəvandakı "Nairi" stadionunda keçirir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
