Azərbaycanın 2012-2013-cü il mövsümü başa çatmamış daha bir futbol klubu heyətini gücləndirib. Lent.az-ın məlumatına görə, “Qəbələ” Azərbaycan milli komandasının müdafiəçisi Volodimir Levinlə 2 illik müqavilə bağlayıb.
Bu barədə klubun rəsmi saytı xəbər yayıb. Levin peşəkar futbolçu karyerasına 2001-ci ildə başladığı Ukraynanın “Çernomorets” (Odessa) komandasında 2005-ci ilə qədər çıxış edib. Ardından o, Bakı “İnter”inə transfer olunub və “Qəbələ”yə keçidinədək paytaxt təmsilçisinin heyətində yer alıb. Milliləşmiş futbolçu yığmamızda 22 oyun keçirib. Levinin yeni müqaviləsi iyulun 1-dən qüvvəyə minəcək.
Qeyd edək ki, Volodimir Levindən öncə “Xəzər Lənkəran” AZAL-ın hücumçusu Franko Nildonu transfer edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
