Milli komandamız bu gün yoxlama oyunu keçirib. Apasport.az saytının məlumatına görə, martın 21-dən Antalyada təlim-məşq toplanışında olan əsas komandamız Qazaxıstanla üz-üzə gəlib.
Bu, DÇ-2018-in seçmə mərhələsinə hazırlaşan komandamızın 2016-cı ildə ilk sınağı idi.
Matçın 8-ci dəqiqəsində erkən qolla hesabda geri düşən yığmamız matçın gedişində bunu aradan qadıra bilməyib. İkinci hissədə bir neçə dəfə hesabı bərabərləşdirmək şansımız olsa da, futbolçularımız əllərinə düşən imkanlardan istifadə edə bilməyiblər.
Qarşılaşma elə bu hesabla da bitib.
Yoldaşlıq görüşü
26 mart
Azərbaycan – Qazaxıstan - 0:1
Qol: Maksat Bayjanov, 8
Hakimlər: Ali Palabıyık, Ceyhun Sesigüzel, Kerem Ersoy, Halil Umut Meler
Antalya. “Gloria Sports Arena” stadionu
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
