Mayın 11-də Londonda Azərbaycanın PNN Şirkətlər qrupunun təşkilatçılığı ilə De Beers Charity Royal Polo Cup xeyriyyə matçı keçiriləcək. Lent.az-ın buro247.az-a istinadən verdiyi xəbərə görə, oyun “Baku Guards Polo” və Taylandın “King Power Polo” komandaları arasında olacaq. Matç Azərbaycanın ilk polo komandası olan “Baku Guards”ın yaradılması münasibətilə təşkil olunub.
“Baku Guards” PNN Şirkətlər qrupu tərəfindən yaradılıb. Şirkət lüks brendlərin nümayəndəliyini həyata keçirir.
“Baku Guards”ın tərkibində peşəkar ingilis polo oyunçusu Simon Holland, biznesmen və polo yarışları üzrə çempion Lindon Li, argentinalı oyunçu Fakundo Pyeras və zati aliləri, Kembric hersoqu Şahzadə Uilyam çıxış edəcək.
“King Power Polo” komandasında isə Fakundo Pyerasın qardaşı Gonzalito Pyeras, Tayland əsilli iki milyarderin övladları, o cümlədən Uels şahzadəsi Harri oynayacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
