Azərbaycanın ilk peşəkar kontinental velosiped komandası "Synergy Baku"nun almaniyalı üzvü Daniel Klemme Yeni Zelandiyada keçirilən "Cycle Classic" turunun 2-ci mərhələsində uğurla çıxış edib. Velosiped İdmanı Federasiyasının mətbuat xidmətindən Lent.az-a verilən məlumata görə, Klemme 143 km-lik mərhələnin qalibi, avstraliyanın “Drapac Professional Cycling” komandasının hollandiyalı üzvü Vippert Viterdən cüzi fərqlə geri qalıb və finişi 2-ci keçib.
Velosipedçimiz ilk mərhələdə 95 iştirakçı arasında 12-ci olmuşdu. 2 mərhələnin yekununa əsasən, Daniel Klemme liderdən cəmi 15 saniyə geri qalır və 12-ci mövqedədir. Sabah keçiriləcək 3-cü mərhələdə iştirakçılar 154.5 km məsafə qət edəcəklər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
