Sloveniyanın Koper şəhərinə idman gimnastikası üzrə Dünya Kuboku keçirilib.
ONA-nın məlumatına görə, yarış Azərbaycan millisi üçün uğurlu alınıb.
Gimnastlarımız Dünya Kubokunu 2 qızıl medalla bitiriblər. Belə ki, millimizin hesabına ilk mükafatı Marina Nekrasova yazdırıb. Dayaqlı tullanma ilə hərəkətlərinə görə 14,475 xal alan idmançımız öz sevimli alətində bütün rəqiblərini üstələyib.
“Bonifika” İdman Arenasında baş tutan yarışda Nikita Simonov da fəxri kürsünün ən yüksək pilləsinə qalxıb. Təmsilçimizin halqalardakı çıxışı ona bu dəfə də birinciliyi qazandırıb. N.Simonov 14,600 xalla çempion tituluna yiyələnib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
