[b]Messi toyuna 700 qonaq çağırdı[/b]
07 iyun 2017 16:40 (UTC +04:00)

[b]Messi toyuna 700 qonaq çağırdı[/b]

Argentina millisinin və “Barselona”nın ulduzu Lionel Messi toya hazırlaşır. Apasport.az saytının xarici mətbuata istinadən məlumatına görə, 30 yaşlı futbolçu iyunun 30-da nişanlısı Antonella Rokkuzzo ilə ailə həyatı quracaq.
 
Rosario şəhərində baş tutacaq toy mərasiminə 700 qonaq dəvətlidi. Messi “Barselona”dakı komanda yoldaşlarının hamısını, eləcə də əsas komandanın bütün işçilərini toya dəvət edib. Bəzi futbolçular müxtəlif səbəblərdən mərasimdə iştirak edə bilməyəcəklər.
 
Diqqətçəkən məqam futbolçunun “Barselona”nın sabiq baş məşqçisi Luis Enrike və onun köməkçilərinə, eləcə də klubun idarə heyətində yer alan rəsmilərə dəvət göndərməməsidi.
 
Cütlük toydan yığılacaq məbləğin Messinin Argentinadakı yardım fonduna yatırılmasına qərar verib. Həmin pul vəqfin yardım etdiyi kimsəsizlərə bağışlanacaq.
 
Qeyd edək ki, cütlüyün 2 oğlu var.
# 189
avatar

ApaSport TV

Oxşar yazılar