İranın futbol üzrə birinciliyində 8-ci həftənin oyunları keçirilib.
Lent.az-ın məlumatına görə, bu turda Qum şəhərinin «Yadiqare imam» adına stadionda yerli «Səba» klubu ilə Təbrizin «Traktor» futbol klubları qarşılaşıb.
Birinci hissənin 12-ci dəqiqəsində «Traktor»-un oyunçusu Fərşad Əhmədzadə birinci qolu vurub. 24-cü dəqiqədə isə «Səba»-nın oyunçusu Fərid Behzadi - Kərimi hesabı bərabərləşdirib.
İkinci hissədə isə «Traktor» daha 2 qol vurub. Səid Dəqiqi 82 və Kərim Ənsarifərd 86-cı dəqiqələrdə qol vuraraq, komandalarının qələbəsini qətiləşdiriblər.
Beləliklə, «Traktor» rəqib meydanında 3 – 1 qələbə qazanıb.
Bu qələbədən sonra «Traktor» 15 xalla turnir cədvəlində 3-cü yerə yüksəlib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
