“Xəzər Lənkəran”dan ilk qələbə

Bu gün Topaz Premyer Liqasında VI turun daha bir matçı keçirilib. Apasport.az saytının məlumatına görə, bu qarşılaşmada “Xəzər Lənkəran” “Bakı”nı qəbul edib.

Komandalar turnir cədvəlinin fərqli hissələrində qərarlaşsalar da, bu amilin oyunun prinsipiallığına təsir etməyib. Bu üzdən də azarkeşlər mövsümün ən maraqlı qarşılaşmalarından birinin şahidi olublar.

Bu turadək çempionatda qələbə qazana bilməyən yeganə komanda olan, ardıcıl 4 matçdır qol vurmayan cənublular hər 2 seriyaya bu dəfə son qoyub. Erkən qol buraxan “Xəzər Lənkəran” Etame Mbillanın dublu sayəsində əzmkar qələbə qazana biliblər. Hərçənd Junior Nildonun penalti zərbəsini qaçıran Kamran Ağayevin əla oyunu olmasaydı, ardıcıl 3 böyükhesablı qələbə qazanan bakılılar özləri acınacaqlı yenilgi ala bilərdi.

Bu görüşə kimi isə “Neftçi” “İnter”ə 3:1 hesabı ilə qalib gəlib, “Rəvan” “Qarabağ”la sülh bağlayıb - 1:1.

Qeyd edək ki, tura sabahkı 2 oyunla yekun vurulacaq.

“Xəzər Lənkəran” – “Bakı” - 2:1
QOL: Etame Mbilla, 27, 47 - Mindauqas Kalonas, 7
31-ci dəqiqədə Nildo penalti zərbəsindən yararlana bilməyib.
Hakimlər: Ramil Diniyev, Rza Məmmədov, Elşən Acalov, Teymur Fərhadov
Əlavə köməkçi hakimlər: Elvin Əsgərov, Feyzulla Feyzullayev
Lənkəran şəhər stadionu

“Xəzər Lənkəran”: 1. Orxan Sadıqlı, 3. Vanderson Skarduelli, 4. Alvaro Silva, 6. Rasim Ramaldanov, 10. Elnur Abdullayev, 11. Zohair Benouahi, 12. Junior Nildo, 14. Rahid Əmirquliyev (k), 20. Etame Mbilla, 22. Deivid Sakkoni, 27. Adrian Skarlatake
Ehtiyat oyunçular: 33. Duqlas Leita, 7. Sadio Tounkara, 8. Edu Oriol, 18. Tural Cəlilov, 21. Radomir Todorov, 23. Nikola Qliqorov, 55. Ağabala Ramazanov
Baş məşqçi: Con Toşak

“Bakı”: 29. Kamran Ağayev (k), 3. Yure Travner, 4. Pedro Mario Alvarez, 5. Ruben Qonzalez, 6. Vadim Abdullayev, 7. Əfran İsmayılov, 11. Rauf Əliyev, 12. Araujo Santos, 20. Mindauqas Kalonas, 21. Elvin Məmmədov, 23. Lukas Mario Horvat
Ehtiyat oyunçular: 13. Edin Nuredinoski, 2. Deividas Çesnauskis, 10. Aleksandar Soliç, 19. Marius Pena, 24. Georgios Pelagios, 27. Rəhman Hacıyev, 31. Vüqar Mustafayev
Baş məşqçi: Milinko Pantiç