“Qarabağ”dan yubiley qolu

Ağdamın “Qarabağ” futbol komandası Azərbaycan çempionatları tarixində 900-cü qolunu vurub. Lent.az-ın Peşəkar Futbol Liqasının rəsmi saytına istinadən məlumatına görə, 1992-ci ildən keçirilən milli çempionatların daimi iştirakçısı yubiley qolunu Topaz Premyer Liqasının XXXII turunun “Neftçi” ilə oyununda vurub.

Bu topun müəllifi komandasına 1 xal qazandıran Murem Muarem olub. 800-cü qolunu ötən mövsümün əvvəlində vuran “Qarabağ”a növbəti yubileyinə çatmaq üçün 20 ay lazım olub. Ağdamlılar çempionatdakı qol sayında yalnız “Neftçi”dən (1135 qol) geri qalır.

Əyalət təmsilçisi 540 qolu evdə, 345-ni səfərdə, 15-ni netral meydanlarda vurub. İndiyədək 621 matç keçirən və bunların 21-də texniki nəticə qeydə alınan “Qarabağ” 900-ə nəticəsi rəsmiləşən 600-cü matçında imza atıb. Bununla da komandanın orta məhsuldarlığı 1,50-yə bərabər olub.

“Qarabağ”ın çempionatdakı tarixi qolları

N	Oyunçu	Rəqib	Yer	Dəq.	Mövsüm	Tarix
1	Mehman Alışanov	İnşaatçı(Sabitabad)	e	4	1992	03.05.1992
100	Səttar Əliyev	Xəzər (Sumqayıt)	e	68	1993/94	30.09.1993
200	Müşfiq Hüseynov	Kür-Nur (Mingəçevir)	e	-	1995/96	01.10.1995
300	Bəxtiyar Musayev	Neftçi (Bakı)	e	64	1997/98	22.11.1997
400	Elmir Xankişiyev	Şəfa (Bakı)	s	13	1999/2000	03.04.2000
500	Eldəniz Məmmədov	Şahdağ-Samur (Qusar)	s	89	2003/04	13.09.2003
600	Vasif Haqverdiyev	MOİK (Bakı)	e	14	2005/06	29.04.2006
700	Rəşad Sadiqov	Qəbələ (Qəbələ)	s	78	2009/10	06.12.2009
800	Rəşad Sadıqov	Sumqayıt (Sumqayıt)	s	21	2012/13	19.08.2012
900	Muarem Muarem	Neftçi (Bakı)	e	51	2013/14	27.04.2014