“Qalatasaray” məşhur baş məşqçini gətirir

Rumıniyalı məşqçi Mirça Luçesku “Qalatasaray”a gəlir. Lent.az-ın xəbərinə görə, bu haqda Ukraynanın “1plus1” kanalının şərhçisi Konstantin Andryuk xəbər verib. K.Andryuk “Qalatasaray”ın hazırkı baş məşqçisi Roberto Mançininin böyük ehtimalla klubu tərk edəcəyini bildirib: “Mançini 99 faiz “Qalatasaray”ı tərk edəcək. İtaliyalı məşqçinin yerinə bir nömrəli namizəd isə Luçeskudur”.

Bildirilir ki, M.Luçesku “Şaxtyor”da qalıb-qalmayacağı Ukraynadakı siyasi məsələlərdən asılı olacaq.

Qeyd edək ki, Ukraynanın şərqində yerləşən Donetsk şəhəri iki gün əvvəl müstəqilliyini elan edib. M.Luçeskunun baş məşqçisi olduğu “Şaxtyor” bu il ard-arda 5-ci dəfə çempion olub.

M.Luçesku 2000-2002-ci illər aralığında “Qalatasaray”da çalışıb. 2000-ci ildə “Qalatasaray”la UEFA Super kubokunu qazanıb. 2002-ci ildə isə Türkiyə çempionu olub.