Rəşad Sadiqovun “Xəzər Lənkəran”-a keçidi reallaşıb. Apasport.az saytının əldə etdiyi məlumata görə, “Neftçi” müqaviləsi olmasına baxmayaraq, yarımmüdafiəçinin cənub təmsilçisinə keçidinə razılıq verib.
Türkiyəli çalışdırıcı Oğuz Çətin “ağ-yaşıllar”-ın baş məşqçisi təyin edildikdən sonra əsas hədəfinin yerli futbolçular olduğunu bildirərək, klub rəhbərliyindən Sadiqovun transferini istəmişdi. Lakin yarımmüdafiəçinin “ağ-qaralar”la müqaviləsinin olması bu keçidə mane olurdu.
“Neftçi” rəsmiləri isə futbolçunu satmağa hazır olduqlarını dəfələrlə bildirmişdilər. Bir müddətdir danışıqlar davam etsə də, nəticəsi bəlli olmurdu. Sadiqov özü “Xəzər Lənkəran”-a keçmək üçün razılıq versə də, əsas məsələ onun klubu ilə həll olunmalı idi. Bu günlərdə tərəflər arasında futbolçunun transferi qarşılığında ödəniləcək məbləğ razılaşdırılıb və paytaxt klubunun rəhbərliyi yarımmüdafiəçiyə getməyə icazə verib. Yaxın günlərdə onun “ağ-yaşıllar”-la rəsmi müqaviləyə imza atacağı gözlənilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
