“Neftçi” yox, AZAL çempion oldu – NƏTİCƏLƏR - TURNİR CƏDVƏLİ

Futbol üzrə Topaz Premyer Liqasında XXX tura yekun vurulub. Lent.az-ın məlumatına görə, turun 6 qarşılaşmasında qapılara cəmi 9 qol vurulub.

Qollardan 4-ü autsayder “Kəpəz”lə “Rəvan” arasındakı görüşə təsadüf edib. Baş məşqçi Mahmud Qurbanovun komandası 3:1 hesabı ilə qalib gəlsə də, bu, heç nəyi dəyişdirməyib. “Kəpəz” yenə sonuncu pillədə qalıb.

Lider “Neftçi” isə mövsümün sonuna 2 tur qalmış çempion olmaq imkanını əldən verib. Ən yaxın izləyicisi “Qarabağ”ın “İnter”lə görüşdə xal itirməsindən sonra flaqman “Simurq”a qalib gəlsəydi, ardıcıl 3-cü çempionluğu təmin edə bilərdi. Lakin bu görüşdə heç-heçə qeydə alınıb. “Qəbələ” isə ilk “6-lıq”da birinci qələbəsini səfərdə “Bakı” üzərində qazanıb.

“Neftçi”dən fərqli olaraq, AZAL ikinci “6-lıq”da çempionluğu rəsmiləşdirib. Baş məşqçi Vaqif Sadıqovun komandası bu dəfə “Sumqayıt”ı minimal hesabla yenib.

9 may

“Neftçi” (Bakı) – “Simurq” (Zaqatala) – 1:1

Qollar: Culius Vobay, 26 - Rəşad Eyyubov, 14

“İnter” (Bakı) – “Qarabağ” (Ağdam) – 0:0

“Bakı” – “Qəbələ” – 0:1

Qol: Rodriges Assis, 65

8 may

“Xəzər Lənkəran” – “Turan” (Tovuz) – 1:0

Qol: Kazım Kazımlı, 43

AZAL (Bakı) – “Sumqayıt” – 1:0

Qol: Junior Nildo, 70

“Kəpəz” (Gəncə) – “Rəvan” (Bakı) – 3:1

Qollar: Bujamin Asani, 41. Vladislav Serebryakov, 82; 89 - Vüsal Qarayev, 90+3

Turnir cədvəli:

PREMYER LİQA

	komanda	o	q	h	m	t	x
1	Neftçi	30	19	4	7	58-30	61
2	Qarabağ	30	15	10	5	40-25	55
3	İnter	30	15	9	6	37-21	54
4	Simurq	30	11	11	8	31-26	44
5	Bakı	30	8	14	8	31-24	38
6	Qəbələ	30	10	7	13	31-38	37
	AZAL	30	14	9	7	48-29	51
8	Xəzər L	30	10	10	10	39-34	40
9	Rəvan	30	11	4	15	41-48	37
10	Sumqayıt	30	8	8	14	29-47	32
11	Turan	30	7	6	17	29-53	27
12	Kəpəz	30	4	4	22	18-57	16