Fransa yığması Avropa çempionatı öncəsi ciddi itki ilə üzləşib. Apasport.az saytı xarici mətbuata istinadən xəbər verir ki, “xoruzlar”ın müdafiəçisi Jeremi Matyu sıradan çıxıb.
Dünən Rusiya ilə yoldaşlıq görüşünə ikinci hissədə daxil olan futbolçu çox keçmədən zədələnib. Nəticədə Matyu erkən əvəzlənmək məcburiyyətində qalıb.
Tibbi müayinədən sonra məlum olub ki, Matyunun sol dizinin çarpaz bağları qopub. Həkimlərin ilkin diaqnozuna əsasən, “Barselona”nın müdafiəçisi iki aylıq müalicə qəbul etməlidi. Lakin futbolçunun əməliyyat olunmasına da ehtiyac yarana bilər. Belə olan halda, Matyu Avropa çempionatının final mərhələsini buraxmalı olacaq.
Təcrübəli futbolçunun şənbə günü Madrid “Real”ı ilə keçiriləcək qarşılaşmada “Barselona”ya kömək etməyəcəyi dəqiqdi
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
