“Barselona”da daha bir müqavilə

“Barselona” rəhbərliyi braziliyalı müdafiəçisi Adriano Korrea ilə yeni müqavilə imzalayacaq. Apasport.az saytı xarici mətbuata istinadən xəbər verir ki, tərəflər arasında bu barədə razılıq əldə olunub.

Adrianonun yeni müqaviləsi 1 illik olacaq. Bu isə o deməkdi ki, “Roma”nın heyətinə qatmaq istədiyi “sambaçı” 2017-ci ilin yayına qədər Kataloniya klubunun formasını geyinəcək.

“Barselona” bundan öncə Lionel Messi və Neymarla da yeni saziş barədə razılığa gəlmişdi.

Qeyd edək ki, Adriano “Barselona”ya 2010-cu ildə “Sevilya”dan transfer olunub. O, hazırkı komandasında bu vaxta qədər 189 oyunda 17 qola imza atıb.