“Bakı” futbol komandasının baş məşqçisi Milinko Pantiç Topaz Premyer Liqasının V turunda “Neftçi” ilə keçirəcəkləri oyundan danışıb. Lent.az-ın məlumatına görə, serbiyalı mütəxəssis klubun rəsmi saytına açıqlamasında komandasını çətin oyunun gözlədiyini bildirib.
Onun fikrincə, “Neftçi” böyük klubdur və “Bakı” ilə görüşün favoriti sayıla bilər: “Buna baxmayaraq, qələbə üçün əlimizdən gələni edəcəyik. Məncə, hakim səhvləri və digər amillərin təsiri olmasa, bizi gözəl bir matç gözləyir”.
“Bakı”nın son məşqində müdafiəçi Elvin Əliyev iştirak etməyib. Şəhriyar Әlıyev və Junior isə komandadan ayrı çalışıb.
Qeyd edək ki, avqustun 31-də “Bakı”nın təlim-məşq bazasında keçiriləcək paytaxt derbisi saat 18:00-da başlanacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
