"İnter Mayami"nin uruqvaylı hücumçusu Luis Suares saç düzümünü kökündən dəyişərək, saçlarını ağ rəngə boyayıb.
Lent.az xarici KİV-ə istinadla bildirir ki, futbolçunun fotosu ilə sosial şəbəkələrdə yayımlanan yazının altında "Luis Suares üçün yeni saç düzümü" başlığı qeyd olunub.
Xatırladaq ki, Luis Suares 2024-cü il yanvarın 1-də "İnter Mayami"nin heyətinə qoşulub. Uruqvaylı futbolçu ilin əvvəlindən Amerika yığmasının heyətində 30 oyunda 21 qol vurub və 9 məhsuldar ötürmə edib.
Sentyabrın 2-də Suares Uruqvay millisindəki karyerasını başa vurduğunu açıqlayıb. Futbolçu 2007-ci ildən milli komandada çıxış edir. Bu müddət ərzində futbolçu millinin heyətində 143 oyun keçirib, ümumilikdə 69 qol vurub və komanda tarixinin bombardiri olub. Uruqvay millisinin tərkibində futbolçu 2011-ci ildə Amerika Kubokunun qalibi olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
