Ronaldo: "Əvəzolunmaz futbolçuyam" - VİDEO

Kriştiano Ronaldo Səudiyyə Ərəbistanının “Əl-Nəsr” klubunda ilk mətbuat konfransı keçirib.

Lent.az xarici mediaya istinadla bildirir ki, ulduz futbolçu insanların ona sevgisinə “Bu duyğunu təsvir etmək mümkün deyil. Yanındakıların sənə sevgi ilə baxması çox şeydən dəyərlidir. Burada insanlar məni sevir”, deyə münasibət bildirib.

Ronaldo “Mançester Yunayted”dən sonra bir çox klubdan təklif aldığını deyib: “Avropanın çox ölkələrindən, Braziliyadan, Avstraliyadan, Portuqaliyadan təkliflər aldım. Avropada bütün qazana biləcəyim hər şeyi qazandım”.

37 yaşlı oyunçu dünya çempionu Argentinanı yalnız Səudiyyə Ərəbistanının məğlub etdiyini xatırladıb: “Dünya çempionu Argentinanın yalnız Səudiyyə Ərəbistanı tərəfindən məğlub edildiyini unutmayaq. Burada klublar arasında rəqabət güclüdür. İnsanların haqqımda nə düşündüyünü müzakirə etmirəm. Qərarımdan xoşbəxtəm. Əvəzolunmaz futbolçu olaraq, əvəzolunmaz müqaviləni haqq edirəm. Bura gəlməyim bir şansdır. Bütün rekordları qırdım, burda da rekordlar qırmaq istəyirəm.

Mətbuat konfransından klubun baş məşqçisi Rudi Qarsia da iştirak edib.

Konfransdan sonra Ronaldo 7 nömrəli formasını geyinib. Stadiona girərək, topları imzalayıb və azarkeşlərə verib. Bu zaman tribunada yüzlərlə azarkeş də onun görüşünə gəlib.