Ronaldo ərəb klubu ilə danışıqları dayandırdı - İDDİA

Kriştiano Ronaldonun agenti Jorje Mendeş Çempionlar Liqası komandalarından birinin təklifi ilə hücumçunun Səudiyyə Ərəbistanının “Əl-Nasr” klubuna keçməsi ilə bağlı danışıqları dayandırıb.

Lent.az xarici mediaya istinadla bildirir ki, bu barədə qətərli jurnalist Məhəmməd əl-Kaabi xəbər verib.

Daha əvvəl “Marca” Ronaldonun tezliklə “Əl-Nasr” ilə 2030-cu ilə qədər müqavilə imzalaya biləcəyini, portuqaliyalının 2,5 ilini oyunçu kimi keçirəcəyini, karyerasının sonunda isə Səudiyyə Ərəbistanının Misir və Yunanıstanla birgə 2030-cu il dünya çempionatı ilə bağlı tətbiqini təşviq etmək üçün səfir olacağını bildirmişdi.

Ronaldo "Qızıl top"un beşqat qalibidir. O, karyerası ərzində Portuqaliyanın “Sportinq”, “Mançester Yunayted”, İspaniyanın “Real”ı və İtaliyanın “Yuventus” klublarının şərəfini qoruyub. Beş dəfə Çempionlar Liqasının qalibi, üç dəfə İngiltərə çempionu, iki dəfə İspaniya və İtaliya çempionu olub. Ronaldo Portuqaliya ilə 2016-cı ildə Avropa Çempionatını və 2018/19-cu ildə Millətlər Liqasını qazanıb.

Portuqaliya yığmasının 1/4 finala yüksəldiyi Qətərdə keçirilən dünya çempionatı zamanı Ronaldo İngiltərənin “Mançester Yunayted” klubu ilə müqaviləsini pozub və hazırda klubsuz qalıb.