Avrokubokların qrup mərhələsinin VI turu başa çatıb.
Lent.az-ın Apasport.az saytına istinadla məlumatına görə, bu oyunlardan sonra UEFA-nın klub reytinqi açıqlanıb.
Azərbaycan “Top-100”də yalnız bir komanda ilə təmsil olunub. Bu, son ölkə çempionu “Qarabağ”dır.
Avropa Liqasında “Frayburq”la heç-heçə edən (1:1) Qurban Qurbanovun yetirmələri xal hesabını artırıb. Qazanılan bir xalla bu rəqəm 25,000-a çatdırıb.
Ağdam klubu 66-cı yerə şərikdir. Təmsilçimiz ötən həftə ilə müqayisədə bir addım geriləyib. “Qarabağ” PAOK və “Krasnodar”la eyni pilləni bölüşür.
Qeyd edək ki, cədvələ 131,000 xala malik “Mançester Siti” başçılıq edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
