Səudiyyə Ərəbistanının "Əl-Hilal" klubu ilə İtaliyanın "Napoli" klubu arasında hücumçu Viktor Osimhenin transferi ilə bağlı aparılan danışıqların təfərrüatları məlum olub.
Lent.az xarici mediaya istinadla bildirir ki, bu barədə jurnalist Ben Ceykobs “Twitter” səhifəsində məlumat verib.
Mənbənin məlumatına görə, klub prezidenti Aurelio De Laurentisin təmsil etdiyi "Napoli" rəhbərliyi “Əl-Hilal”ın PSJ-nin hücumçusu Kilian Mbappe üçün daha əvvəl 300 milyon avroluq təklif etdiyinə görə 200 milyon avrodan aşağı təklifi qəbul etməyəcək.
Osimhen özü də Avropada oynamağa davam etmək istəyir, "Napoli" isə nigeriyalı hücumçunun klubla müqaviləsini uzadacağına ümid edir.
24 yaşlı Osimhen ötən mövsüm "Napoli"nin heyətində bütün turnirlərdə 39 oyunda 31 qol vurub və 5 məhsuldar ötürmə verib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
