Maradonanın oğlu bu klubun baş məşqçisi oldu

Argentinanın əfsanəvi futbolçusu Dieqo Maradonanın oğlu Dieqo Sinaqra İspaniyanın "İbarra" klubunun yeni baş məşqçisi seçilib.

Lent.az xəbər verir ki, bu barədə ölkə çempionatının beşinci divizionunda çıxış edən komandanın “Facebook” səhifəsində məlumat yayılıb.

38 yaşlı Sinaqra bu postda Frensis Diazı əvəzləyib. Onun müqaviləsinin müddəti dəqiqləşdirilməyib. Yeddi turdan sonra “İbarra” öz divizionunda 14-cü yerdədir.

Sinaqra karyerasını az tanınan İtaliya klublarında keçirib, o cümlədən çimərlik futbolu üzrə İtaliya milli komandasında oynayıb. Məşqçi kimi İtaliyanın "Pompeyi" və "Montekalsio" klublarında çalışıb.

Dieqo Maradona 25 noyabr 2020-ci ildə 61 yaşında vəfat edib.