Konte “Çelsi”dən getsə, yerinə gəlməyə hazırdır

Antonio Konte baş məşqçi postundan getsə, Tomas Tuxel "Tottenhem"ə rəhbərlik edə bilər.

Lent.az-ın xəbərinə görə, jurnalist Nizaar Kinsella “Evening Standard” qəzetində yazıb ki, bir sıra pis nəticələr fonunda London klubu ilə müqaviləsi 2023-cü ilin yayına qədər davam edən italyan mütəxəssisin gələcəyi qeyri-müəyyən olaraq qalır.

Tuxel sentyabr ayında “Çelsi”dən qovulandan bəri işsizdir, lakin maraqlanan klubların təkliflərinə açıqdır. Tomas "Çelsi"ni sevməsinə baxmayaraq, "Tottenhem"in təklifinə açıq olacaq. Hazırda almaniyalının heç bir klubla danışıqları yoxdur.

Tomas Tuxel

Tuxel Londonda yaşamaqdan həzz alırmış. Qaret Sautqeyt müqaviləsini uzatmazdan əvvəl İngiltərə millisində işləməkdə maraqlı idi.

Bundan əlavə, Tomas ispan dilini öyrənir - o, həm də La Liqada top klubla işləməkdə maraqlıdır.

Konte “Tottenhem”dən ayrılsa, daha əvvəl klubda çalışmış Maurisio Poçettino da baş məşqçi postuna iddialı olacaq. Argentinalı Daniel Levi ilə əlaqə saxlayır.

Tuxelin rəhbərliyi altında "Çelsi" 2021-ci ildə Çempionlar Liqasının qalibi olub.