Komanda yoldaşının butsunu oğurladı – ETİRAF

İngiltərənin “Mançester Yunayted” klubunda oğurluq baş verdiyi üzə çıxıb.

Apasport.az saytının məlumatına görə, bunu Premyer Liqa təmsilçisinin sabiq futbolçusu Ravel Morrison etiraf edib.

O bildirib ki, Ueyn Runi və Rio Ferdinanda çox sayda buts gəlməsi onu yoldan çıxarıb. Morrison oğurladığı idman ləvazimatını satmaqla qazanc əldə etmək istəyib: “Ferdinandın butsunu oğurladığım üçün bir dəfə məni soyunub-geyinmə otağından qovdular. Həmin vaxt təqaüd hesabına yaşayırdım. Bir cüt buts üçün 290 funt sterlinq əldə etmək olardı. İki cütlə hardasa 600 funt stetlinq qazanmaq və evə hansısa Çin malları almaq olardı. Heç ağlıma gəlməzdi ki, bu, hansısa ziyan vursun. Çünki Ferdinandla Runi üçün nə qədər buts gəldiyini görürdüm. Onlar hər dəfə 20-30 cüt buts alırdı. Fikirləşirdim ki, bir cütlə evdə stolun üstünə yemək və ya az da olsa pul qoya bilərdim. Bunu problem saymırdım. Amma indi dərk edirəm”.