Bosniya və Herseqovinanın hüquq-mühafizə orqanları Xorvatiya tərəfindən verilmiş beynəlxalq sifariş əsasında Zaqreb “Dinamo”sunun keçmiş baş məşqçisi Zoran Mamiçi saxlayıb.
Lent.az-ın xarici mediaya istinadla verdiyi xəbərə görə, 49 yaşlı mütəxəssis indi Dövlət Təhqiqat və Mühafizə Agentliyinin nəzarətindədir və məhkəməni gözləyir. Onun vətəninə ekstradasiya ediləcəyi də gözlənilir.
Martın 15-də Xorvatiyanın Ali Məhkəməsi Mamiç barəsində 4 il 8 aylıq həbs qərarı çıxarıb. Onun qardaşı, “Dinamo”nun keçmiş prezidenti Zdravo Mamiç 6,5 il, klubun keçmiş direktoru Damir Vrbanoviç isə 3 il azadlıqdan məhrum ediliblər.
Onların hamısı 1,5 milyon avro vergidən yayınmaqda və 15 milyona vroya yaxın fırıldaqçılıqda günahlandırılır.
Bundan sonra Mamiç Zaqreb klubunun baş məşqçisi postundan istefa verdiyini elan edib. O, təyin olunan vaxt cəzasını çəkmək üçün həbsxanaya gəlmədiyindən barəsində axtarış orderi verilib.
Mamiçin bu ölkənin pasportu olduğundan Bosniya və Hersoqovonaya qaçıb, cəzasını da burada çəkməsini xahiş edib. Ancaq Xorvatiya buna razılaşmayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
