“Mercedes”in ingiltərəli sürücüsü Lyuis Hamilton “Formula 1”i milyarderlərin oğullarının klubu adlandırıb.
Lent.az-ın xarici mediaya istinadla verdiyi xəbərə görə, onun fikrincə, “Formula-1” milyarderlərin oğullarının klubu olub: “Bu gün bir fəhlə sinfinin nümayəndəsi kimi yarışa başlasaydım, bu mümkün olmazdı, çünki digər uşaqlarda daha çox pul var”.
Britaniyalı sürücü bu yarışın daha əlçatan olmasını istədiyini söyləyib.
Hazırda “Formula-1”də 3 milyarder oğlu çıxış edir: rusiyalı Nikita Mazepin (Haas), eləcə də kanadalılar Lens Stroll (Aston Martin) və Nikolas Latifi (Williams).
Bu mövsüm onlardan yalnız Stroll şəxsi hesabına xal yazdırıb, o, 5 balla 20 yarışçı arasında 11-cıdır. Latifi və Mazepin reytinqdə sonuncudurlar.
Hamilton yeddiqat “Formula-1” çempionudur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
