Küveyt milli komandasının futbolçusu Bader Al Mutava dünya rekordunu təkrarlayıb.
Apasport.az saytının məlumatına görə, 36 yaşlı hücumçu yığmanın heyətində 184-cü oyununu keçirib.
Bu, Çin Taypeyi ilə qarşılaşmada (2:1) baş verib. Dünya çempionatının seçmə mərhələsinin görüşündə Bader 90 dəqiqə meydanda olub.
2003-cü ildən yığmada oynayan küveytli forvard bununla da yığmada ən çox oyun keçirən futbolçular siyahısında rekordu təkrarlayıb. O, misirli Ahmad Hasana çatıb. 1995-2012-ci illərdə milli forma geyinən hücumameylli yarımmüdafiəçi uzun müddətdir bu rekordun vahid sahibi idi.
Qeyd edək ki, Azərbaycan rekordçusu millidə 111 oyun keçirən Rəşad Sadıqovdur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
