Boksçumuz Avropa birinciliyində erməni rəqibinə QALİB GƏLDİ  -FOTO
02 oktyabr 2022 09:32 (UTC +04:00)

Boksçumuz Avropa birinciliyində erməni rəqibinə QALİB GƏLDİ -FOTO

İtaliyanın Montesilvano şəhərində yeniyetmə oğlan və qız boksçular arasında Avropa birinciliyində 1/4 final mərhələsinə yekun vurulub.

Apasport.az saytının məlumatına görə, Azərbaycan millisinin daha 2 üzvü qələbə qazanaraq yarımfinala vəsiqə qazanıb.

Məhəmmədəli Aşurəliyev Armandas Kreqzdenin (Litva) ardınca Artur Avetikyana (Ermənistan) da gücünü göstərib. 54 kq çəki dərəcəsində mübarizə aparan Avropa birinciliyinin finalçısı rəqibinə heç bir şans verməyib. Erməni boksçunu 5:0 (29:28, 29:28, 29:27, 29:28, 29:28) hesabı ilə məğlub edən Aşurəliyev yarımfinalda iştirak hüququna yiyələnib.

O, finala gedən yolda gürcüstanlı Levan Demurovi ilə döyüşəcək.

Avropa çempionumuz Məhəmmədəli Qasımzadə (57 kq) də rinqdən qalib ayrılıb. 1/8 finalda Nik Smirnovu (Almaniya) mübarizədən kənarlaşdıran boksçumuz bu dəfə Kallum Karrager (İrlandiya) üzərində qələbə qazanıb. Qasımzadə döyüşü 5:0 (30:27, 30:25, 30:26, 30:26, 30:27) hesabı ilə aktivinə yazıb.

Təmsilçimiz növbəti mərhələdə latviyalı Nikolayes Zamyatinslə qarşılaşacaq.

Hər iki boksçu yarımfinala yüksəlməklə özü üçün bürünc medalı da təmin edib. Bununla da mükafat qazanacağı rəsmiləşən boksçularımızın sayı 5-ə çatıb. Yarımfinal görüşləri oktyabrın 2-də olacaq.

Digər milli üzvlərindən Faiq Mollayev (46 kq) Tomas Vari Cona (İngiltərə), Ziya Həsənov (66 kq) isə Pavel Urbanskiyə (Polşa) məğlub olub.

Qeyd edək ki, 1/4 final mərhələsində Nərmin Əlizadə (48 kq) də erməni rəqibi Mahur Marikyana 5:0 hesabı ilə qalib gəlib. 33 ölkədən 378 (250 oğlan, 128 qız) idmançının qatıldığı Avropa birinciliyində final döyüşləri isə oktyabrın 4-də keçiriləcək.

# 1131
avatar

Oxşar yazılar

Braziliyadan böyük hesabla qələbə

Braziliyadan böyük hesabla qələbə

6 dekabr 2022 , 01:05
BOK Rusiya və Belarusla bağlı qərarını dəyişmədi

BOK Rusiya və Belarusla bağlı qərarını dəyişmədi

5 dekabr 2022 , 23:29
Xorvatiya 1/4 finalda

Xorvatiya 1/4 finalda

5 dekabr 2022 , 21:45
Kriştiano Ronaldo SƏRVƏT İSTƏDİ: “Yuventus”da  çaxnaşmaya səbəb oldu

Kriştiano Ronaldo SƏRVƏT İSTƏDİ: “Yuventus”da çaxnaşmaya səbəb oldu

5 dekabr 2022 , 19:54
Luis Enrike İspaniya  yığmasından gedəcək

Luis Enrike İspaniya yığmasından gedəcək

5 dekabr 2022 , 18:56
 Evinə oğru girdi:   İngiltərə millisinin oyununu buraxdı

Evinə oğru girdi: İngiltərə millisinin oyununu buraxdı

5 dekabr 2022 , 16:27
Qətərdən STADİON HƏDİYYƏSİ:  Sökülüb Tunisdə tikiləcək

Qətərdən STADİON HƏDİYYƏSİ: Sökülüb Tunisdə tikiləcək

5 dekabr 2022 , 13:40
21 yaşlı müdafiəçi 3 nəhəngin hədəfində

21 yaşlı müdafiəçi 3 nəhəngin hədəfində

5 dekabr 2022 , 10:53