Futbol üzrə Beynəlxalq Çempionlar kuboku ləğv olunub.
Apasport.az saytının məlumatına görə, 2020-ci ildə keçirilməli olan yoldaşlıq turniri təşkil olunmayacaq.
Buna koronavirus pandemiyası səbəb olub. Təşkilatçıların yaydığı bəyanatda turnirin gələn il baş tuta biləcəyi əks olunub: “Məhdudiyyətlərin nə vaxt aradan qaldırılacağı, həmçinin beynəlxalq təqvimlə bağlı qeyri-müəyyənlik olduğundan turnirin keçirilməsi mümkünsüzdür. 2021-ci ildə ən yaxşı klublar və unudulmaz matçlarla qayıdacağımıza ümid edirik”.
Qeyd edək ki, 2013-cü ildən ənənəvi olaraq keçirilən turnirdə dünyanın aparıcı klubları iştirak edir. Hər ilin yayında bu komandalar müxtəlif ölkələrdə -əsasən də ABŞ və Asiyada üz-üzə gəlir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
