“Formula-1” üzrə dünya çempionatının avqustun 30-da keçiriləcək Belçika Qran-Prisi koronavirus pandemiyası üzündən ləğv edilə bilər.
Apasport.az saytının məlumatına görə, bunu yarışın baş promouteri Vanessa Meys açıqlayıb.
O, “Belga” agentliyinə açıqlamasında ölkədəki karantinin uzadılmasının yarışa təsirindən danışıb: “Biz hadisələrin istənilən variantda axarını istisna etmirik. Yarış təxirə də salına bilər, azarkeşsiz də keçirilə bilər, hətta ümumiyyətlə ləğv olunması mümkündür. Heç kim 4 ay yarımdan sonra necə olacağını deyə bilməz. Bizim mütləq prioritetimiz belçikalıların və “Spa-Frankorşam”a gələcək azarkeşlərin sağlamlığıdır”.
Qeyd edək ki, artıq 2 mərhələ ləğv olunub, 7 yarış, o cümlədən Azərbaycan Qran-Prisi qeyri-müəyyən müddətə təxirə salınıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
