Azərbaycan çempionu uduzdu

Futbol üzrə Çempionlar Liqasının II təsnifat mərhələsində Xorvatiyanın “Dinamo” (Zaqreb) komandası ilə oyunlara hazırlaşan “Neftçi” klubu növbəti yoldaşlıq görüşünü keçirib. Lent.az-ın məlumatına görə, Azərbaycan Premyer Liqasının qalibi bu dəfə Çexiya çempionu “Viktoriya” ilə üz-üzə gəlib.

Görüş flaqmanın məğlubiyyəti ilə nəticələnib – 0:1. Yeganə topu 89-cu dəqiqədə Marian Çişovski vurub.

Flaqman oyunu bu heyətlə keçirib: Saşa Stamenkoviç, Rail Məlikov (Ruslan Əmircanov, 10), Denis Silva, İqor Mitreski, Alessandro Viana da Silva (Tərlan Quliyev, 61), Ruslan Abışov (Elmar Baxşiyev, 72), Slavço Georgievski, Rodriqinyo (Mirhüseyn Seyidov, 64), Rəşad Abdullayev (Cavid İmamverdiyev, 58), Flavinyo (Cavid Hüseynov, 53), Emil Mpenza (Bahodir Nasimov, 53).

Qeyd edək ki, əvvəlki 2 yoldaşlıq görüşündə Albaniya çempionu “Skenderbu” ilə heç-heçə (1:1) edən “Neftçi” Rumıniya vitse-çempionu “Timişoara”nı yenib – 1:0.