UEFA-dan “Styaua”ya 38 min avro cərimə
08 avqust 2009 12:00 (UTC +04:00)

UEFA-dan “Styaua”ya 38 min avro cərimə

UEFA Rumıniyanın “Styaua” klubunu ciddi cəzalandırıb.

Lent.az-ın məlumatına görə, Buxarest komandası Avropa Liqasında qarşıdakı iki ev oyununu boş tribunalar önündə keçirəcək.

Bununla yanaşı, kluba 38 min avro cərimə kəsilib. Belə ciddi cəzaya “Styaua”nın iyulun 16-da Avropa Liqasının ikinci təsnifat mərhələsində Macarıstanın “Uypeşt” komandası ilə keçirdiyi ilk oyunu zamanı stadionda baş verən intizamsızlıq halları səbəb olub. Matçın gedişində fanatlardan biri meydançaya soxulub. Tribunalarda isə macarıstanlılar üçün təhqiramiz plakat nümayiş olunub.

“Styaua”ya 1 oyunluq şərti cəza da verilib. Bu cəza analoji insident qarşıdakı iki il ərzində təkrarlanacağı halda, qüvvəyə minəcək.

Qeyd edək ki, “Styaua” – “Uypeşt” matçı meydan sahiblərinin qələbəsi ilə başa çatıb – 2:0.
# 1024

Oxşar yazılar