Çempionlar Liqası: Mateus qol vurdu

Futbol üzrə Çempionlar Liqasınında “pley-off” mərhələsinin ilk oyunlarına yekun vurulub.

Lent.az-ın məlumatına görə, avqustun 18-də daha 5 görüş baş tutub. Moldovanın “Şerif” klubu İsveçrədə “Bazel”ə minimal hesabla uduzub. Eyni nəticə Portuqaliyada qeydə alınıb. “Braqa”nın İspaniya “Sevilya”sı ilə görüşündə yeganə topu braziliyalı Mateus vurub.

“Verder” Almaniyada İtaliya “Sampdoriya”sını 3:1, İsrail “Hapoel”i isə Avstriyada “Zalsburq”u 3:2 hesabı ilə yenməklə, qrup mərhələsinə vəsiqəni böyük ölçüdə təmin edib. Belçika “Anderlext”i də Serbiyada “Partizan”la qarşılaşmadan sərfəli hesabla dönüb.

“Zalsburq” (Avstriya) – “Hapoel” (Təl-Əviv, İsrail) – 2:3
Nikola Pokrivaç, 28. Roman Vallner, 67-penalti ilə - Vinsent Enyema, 3-penalti ilə. Ben Saxar, 44. Eter Şexter, 53

“Bazel” (İsveçrə) – “Şerif” (Moldova) – 1:0
Valentin Ştoker, 54

“Partizan” (Serbiya) – “Anderlext” (Belçika) – 2:2
Kleo, 57. Yan Letsyaks, 64-öz qapısına – Giyom Jiye, 54. Roland Yuxas, 66

“Braqa” (Portuqaliya) – “Sevilya” (İspaniya) – 1:0
Mateus, 62

“Verder” (Almaniya) – “Sampdoriya” (İtaliya) – 3:1
Klemens Frits, 51. Torsten Frinqs, 67-penalti ilə. Klaudio Pisarro, 69 – Campaolo Patsini, 90

Qeyd edək ki, “pley-off” mərhələsinin ilk oyunlarından daha 5-i avqustun 17-də baş tutub:

“Rusenborq” (Norveç) – “Kopenhagen” (Danimarka) – 2:1
Steffen İversen, 23. Markus Henriksen, 57 – Yesper Qronkyaer, 84

“Sparta” (Praqa, Çexiya) – “Jilina” (Slovakiya) – 0:2
Mamodu Sissey, 51. Tomaş Oravets, 73

“Yanq Boyz” (İsveçrə) – “Tottenhem” (İngiltərə) – 3:2
Senad Luliç, 4. Anri Bienvenyu, 13. Ksavye Xoxştrasser, 28 – Sebastyen Bassonq, 42. Roman Pavlyuçenko, 83

“Zenit” (Rusiya) – “Oser” (Fransa) – 1:0
Aleksandr Kerjakov, 3

“Dinamo” (Kiyev, Ukrayna) – “Ayaks” (Hollandiya) – 1:1
Oleq Qusev, 66 – Yan Vertongen, 57

Cavab görüşləri 24-25 avqustda keçiriləcək.