Berti Foqts Mahir Şükürovu yığmaya çağırmadı
16 avqust 2010 10:00 (UTC +04:00)

Berti Foqts Mahir Şükürovu yığmaya çağırmadı

Futbol üzrə Azərbaycan milli komandasının avqustun 23-dən Bakıda növbəti təlim-məşq toplantısı başlanacaq.


Lent.az-ın AFFA-nın rəsmi saytına istinadən verdiyi məlumata görə, dörd gün davam edəcək toplanış komandamızın sentyabrın 7-də səfərdə Almaniya yığması ilə keçirəcəyi 2012-ci il Avropa çempionatının seçmə qrup matçına hazırlıq xarakteri daşıyacaq.


Baş məşqçi Berti Foqts hazırlıq prosesinə 23 futbolçu dəvət edib. Onların arasında Avropa Liqasında çıxışlarını davam etdirən “Qarabağ”ın oyunçularından əlavə Rusiyanın “Anji” komandasının formasını geyinən Mahir Şükürov yoxdur. Əvəzində Hollandiya “Tvente”sindən ayrılması gündəmdə olan Vaqif Cavadov toplanışa çağırılıb.


Qapıçılar: Kamran Ağayev (“Xəzər Lənkəran”), Səlahət Ağayev (“İnter”), Aqil Məmmədov (“Bakı”)

Müdafiəçilər: Saşa Yunisoğlu, Nodar Məmmədov (“Qəbələ”), Volodimir Levin (“İnter”), Ruslan Abışov, Rail Məlikov, Ruslan Əmircanov (hər üçü “Neftçi”), Vurğun Hüseynov (“Turan”), Elnur Allahverdiyev (“Xəzər Lənkəran”)


Yarımmüdafiəçilər: Rahid Əmirquliyev (“Xəzər Lənkəran”), Tərlan Quliyev, Amit Quluzadə, Araz Abdullayev, Cavid İmamverdiyev, Cavid Hüseynov (hamısı “Neftçi”), Aleksandr Çertoqanov, Arif Daşdəmirov (hər ikisi "İnter”), Aqil Nəbiyev (AZAL), Fabio Luis Ramin (“Bakı”)

Hücumçu: Fərid Quliyev (“Neftçi”), Vaqif Cavadov (“Tvente”, Hollandiya).
# 518

Oxşar yazılar